Product details
Hilde Myklebust teiknar som vanleg både sterke og vakre bilde, frå blod, slintrar og død,
til skildringar av lys, lukter, fargar, natur og kjensler.
- Ole Magne Kvalsvik, Synste Møre
Det er noe med Hildes poesi som treffer meg. Et nydelig språk der ordene faller på plass, presise observasjoner, sterke nyskapende bilder. Det er jordnært og samtidig friskt og overraskende. Ingenting virker konstruert, det fremstår autentisk, troverdig.
- Arild Vedvik, PoesiRingen
Hilde Myklebust har skrive ein biografi av ein heilt ny type. ... Det er ei flott bok, dette her, full av poesi og menneskeleg forståing
- Hadle Oftedal Anderse, Klassekampen
Det er noko urovekkjande over dikta til Hilde Myklebust, eit djupt alvor som set seg i merg og bein.
- Kjetil Berthelsen, Dag og Tid
morgon skir
Kvitt veks lyset
frå mor sin munn
Legg seg over sjøen
i ei bøn
Aron vert fødd 18. oktober 1877 og veks opp i tronge kår på Sunnmørs-kysten. Livet og dauden er tett på familien ved fjorden, dei mister ein veslebror og snart endå ein. Aron tek hyre til sjøs 20 år gammal og mønstrar på skipet Undine av Haugesund. Fyrstereisa endar i tragedie: I storm går skipet på grunn utanfor Portugal, og berre halve mannskapet bergar seg.
Kvit stig morgon skir fortel om eit liv ved og på sjøen, i ei tid då menneska stod nærare naturen og var avhengige av det fjorden og markene gav. Samspelet gjorde det mogleg å leve, men alltid på nåde.
Med ein veldig nærleik til naturen og alt levande diktar Hilde Myklebust fram livet til sin eigen oldefar.