Om bidragsyterne

Sarah Horne is ’n illustreerder van London. Sy is al meer as vyftien jaar ’n illustreerder van kinderboeke en ook onlangs ’n skrywer daarvan. As kind het Phil Earle dit gehaat om romans te lees, maar hy het vinnig ’n liefde vir strokiesprente en grafiese romans ontdek. Na Universiteit het hy verskeie werke gehad, soos in kroeë en reisagentskappe en by ’n kinderhuis. Dit was hierdie ongelooflike ervaring wat die skryf van sy twee jeugromans Being Billy en Saving Daisy geïnspireer het. Volgens Earle is die beste ding wat ooit met hom gebeur het om ’n werk in ’n boekwinkel se kinderafdeling te kry. Hierdie boeke was anders as enigiets anders wat hy al gelees het, en hy het vinnig begin om net kinderboeke te lees. Dit was terwyl hy daar gewerk het dat hy besef het hy wil probeer om vir jongmense te skryf. Hy het vyf jaar in daardie boekwinkel gewerk voordat hy werk by ’n uitgewery gekry het, en nou verdeel hy sy tyd tussen boeke verkoop en boeke skryf. Hy bly in ’n huis op ’n heuwel saam met sy vrou en drie kinders, en hy probeer om elke dag 500 woorde te skryf. Jaco Jacobs is die gewilde skrywer en vertaler van talle bekroonde topverkoperboeke vir kleuters, kinders en tieners. Hy het reeds meer as 150 eie boeke en 200 vertalings die lig laat sien, en meer as 1.2 miljoen kopieë van sy boeke is verkoop. Verskeie van sy boeke is alreeds wêreldwyd in Engels uitgegee. Onder Jaco se talle bekronings tel ’n SAVI-toekenning vir vertaling, die Tienie Hollowaymedalje, die Alba Bouwerprys, die Elsabe Steenbergprys vir vertaalde kinder- en jeugliteratuur, die MML-letterkundeprys en 26 ATKV-Kinderboektoekennings. In 2018 word Jaco ook benoem vir die beroemde Britse Carnegie-medalje. Jaco woon in Bloemfontein saam met sy vrou, Elize, sy twee dogters, Mia en Emma, drie honde, ’n kat en ’n troetel-luislang.