Det er jul, men familien i Harald Nortun si forteljing har ikkje råd til juletre. Veslesøster Stine vil så gjerne ha eit tre, men foreldra har mista jobben og har så vidt råd til julemat. På veslejulaftan spør pappa om eg-forteljaren vil vere med ut. Saman snik dei seg inn i skogen til bonden og sagar ned eit lite tre. Men når dei har kome heim og pynta treet, kjem bonden på døra. Har han funne ut at dei har stole treet? Harald Nortun har skrive ei sår og varm historie om skam, nestekjærleik og om å vere fattig i verdas rikaste land. Publisert i Barnas juleroser 2021.