Femte bandet i romanserien Tusen vårar er ei levande og dramatisk skildring frå Noreg på 1700-talet. Ei stor forteljing av ein stor forfattar. Oppkoma er det femte frittståande bandet i serien Tusen vårar . Handlinga går føre seg i fyrste halvdel av 1700-talet. Hovudpersonen Heine Bjødneson kjem heim til si sunnhordlandsbygd etter å ha vore og stridt i 20-årskrigen. I mellomtida har den mektige baronen Axel Rosenkrantz tileigna seg odelsgarden hans på urett vis. I romanen opplever me Heine sin strid for å vinna attende garden sin, og hans strid for Synva, som han er gift med. Me opplever ei levande tidsskildring og eit fargerikt persongalleri med menneske som strider både for levemåten og for sitt åndelege liv. Oppkoma er ein roman om dei krefter mennesket til alle tider har bore i seg, som både gjev motbør og vokster.