Eit kritisk blikk på mineralnæringa i fortid, notid og framtid Bokserien Gull, gråstein og grums kjem her med fjerde og siste bind. Mens dei tre første binda har konsentrert seg om mineralutvinning i Noreg, ser denne boka på den internasjonale mineralverksemda, med glimt frå gruvedrifta i nokre utvalde land, og forholdet mellom desse og Noreg. Dei fleste rike mineralressursar er allereie historie, og det blir drive på stadig fat- tigare malm og produsert stadig meir avgang. Gruvene legg beslag på stadig større område og forureinar stadig meir. Boka er eit forsøk på å bidra til svar på spørsmål som: - Korleis vi har kome i denne situasjonen? - Kven tener på å auke gruvedrifta? - Kven betalar rekninga for dagens mineralutvinning? - Kva krefter fremmer auka gruvedrift og kva krefter forsøker å bremse denne? - Kan dette halde fram samtidig som befolkninga i verda veks og treng meir areal for matproduksjon? - Fører «det grøne skiftet» til mindre eller meir gruvedrift? - Kva er løysinga? Gruver på havbotn, gjenvinning eller redusert forbruk? - «Grøne gruver» - Kva er det og er det mogleg?